၈၈ ကျောင်းသား ခေါင်းဆောင်တွေရဲ့ ရှမ်းပြည်တောင်ပိုင်း ငြိမ်းချမ်းရေး ခရီး စတင်

RFA Burmese

ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ပေါ်ထွန်းရေး ဦးတည်လှုပ်ရှားမှုအဖြစ် ၈၈ မျိုး ဆက် ကျောင်း သားခေါင်းဆောင်တွေဟာ ရှမ်းပြည်တောင်ပိုင်း ခရီးစဉ် စတင်ဖို့ ဒီကနေ့ မနက်ပိုင်းမှာ မန္တလေးမြို့ ကို ရောက်ရှိလာပါတယ်။

ခရီးစဉ်အတွင်း တိုင်းရင်းသား လူထုအခြေပြု အဖွဲ့အစည်းတွေနဲ့တွေ့ဆုံဖို့ရှိပြီး ဒေသခံပြည် သူတွေ ရင်ဆိုင်နေရတဲ့ အခြေအနေတွေကိုလေ့လာမှာဖြစ်တယ်လို့ ခရီးစဉ် မှာ အတူလိုက်ပါသွားတဲ့ ၈၈ မျိုးဆက်ကျောင်းသား ခေါင်းဆောင် ကိုဂျင်မီက အာအက်ဖ်အေကိုပြောပါတယ်။

ရှမ်းပြည်တောင်ပိုင်း ခရီးစဉ်ဟာ ရက်သီတင်းပတ် တပတ်လောက် ကြာမြင့်မှာဖြစ်ပြီး တောင်ကြီး၊ အောင်ပန်း၊ ပင်းတယ၊ ရပ်စောက်၊ ဟိုပုန်းမြို့တွေကို သွားရောက်မယ်လို့လည်း ကိုဂျင်မီက ပြောပါတယ်။

၈၈ မျိုးဆက်ကျောင်းသားအဖွဲ့အနေနဲ့ လူထုအခြေပြု အဖွဲ့အစည်းတွေ အားကောင်းလာစေဖို့အတွက် လှုပ်ရှားနေသူတွေကို အထောက်အကူပြု သင်တန်းတွေ တက်နိုင်အောင် ကူညီစီစဉ်ပေးဖို့ ရှိတယ်လို့လည်း သိရပါတယ်။

19 hours ago

ဖိတ်စာ

၈၈ ကျောင်းသားများ ရှမ်းပြည်ခရီးထွက်မည်

ကိုဝိုင် ဝိုင်ကေ

ဤပုံမှာ ကျွန်တော်တို့၏ ရဲဘော်ရဲဘက်များ ဖြစ်သော ကိုကျော်ဇေယျ နှင့် မယုယုလှိုင် တို့၏ (၂၉-၄-၁၂)နေ့ ညနေတွင်ပြုလုပ်သော မင်္ဂလာဧည့်ခံပွဲ တွင် ကိုမင်းကိုနိုင် ဖျော်ဖြေနေစဉ် ဖြစ်သည် ။
၈၈ အဖွဲ့သည် ၃၀-၄-၁၂ ညတွင် တောင်ကြီးသို့ ဆက်လက်ထွက်ခွာမည် ဖြစ်သည်။ ထိုနောက် ဆရာဒဂုန်တာရာ မွေးနေ့ပွဲသို့ လည်း တက်ရောက်ရန် စီစဉ်ထားကြောင်း ကိုလှမျိုးနောင်မှ ပြောပြသည်။

 

အခြားဖော်ပြချက်။

၈၈ ကျောင်းသားများ ရှမ်းပြည်ခရီးထွက်မည်.....။
DVB
၈၈ မျိုးဆက် ကျောင်းသားခေါင်းဆောင်တွေ လူထုနဲ့တွေ့ဆုံဟောပြောပွဲတွေ လုပ်ဖို့ လာမယ့်ရက်ပိုင်းအတွင်း ရှမ်းပြည်နယ်ကို ခရီးထွက်မယ်လို့ သိရပါတယ်။ ကိုမင်းကိုနိုင်၊ ကိုကိုကြီးတို့ခေါင်းဆောင်တဲ့ ၈၈ မျိုးဆက် ကျောင်းသားများ အဖွဲ့ဟာ ငြိမ်းချမ်းရေးနဲ့ပွင့်လင်းလူ့အဖွဲ့အစည်း အစီစဉ်အရ ရှမ်းပြည်နယ် တောင်ပိုင်းက မြို့တွေကို မန္တလေးမြို့ကနေတဆင့် သွားရောက်မှာပါ။ ၂၉ ရက်နေ့ညနေစတင်မယ့် ဒီခရီးစဉ်နဲ့ပတ်သက်ပြီး ၈၈ မျိုးဆက် ကျောင်းသားခေါင်းဆောင် တဦးဖြစ်တဲ့ ကိုဂျင်မီက ဒီဗွီဘီကို ခုလို ပြောပါတယ်။

“ရှမ်းပြည်တောင်ပိုင်းပေါ့နော်၊ ဟိုပုန်း၊ တောင်ကြီး၊ အောင်ပန်း၊ ပင်းတယ၊ ရပ်စောက်၊ ငြိမ်းချမ်းတဲ့ ပွင့်လင်းလူ့အဖွဲ့အစည်းပါပဲ။ အဲဒီ့ ခေါင်းစဉ်နဲ့ပဲ သွားတာပါ။” ၈၈ မျိုးဆက်ကျောင်းသားတွေဟာ တောင်ကြီးမြို့မှာ မေလ ၂ ရက်နေ့ကျင်းပမယ့် အကျဉ်းထောင်ထဲ ကွယ်လွန်သွားခဲ့တဲ့ ရှမ်းပြည်မျိုးဆက်သစ်အဖွဲ့က ဦးမြင့်သန်း ကွယ်လွန်ခြင်း ၆ နှစ်ပြည့် နှစ်ပတ်လည်ပွဲကို တက်ရောက်ဖို့ရှိနေ ပါတယ်။ ဦးမြင့်သန်းဟာ ရှမ်းတိုင်းရင်းသားခေါင်းဆောင်တွေဖြစ်တဲ့ ခွန်ထွန်းဦး၊ စိုင်းညွန့်လွင်တို့နဲ့အတူ ဖမ်းဆီးခံရပြီး နှစ်ရှည် ထောင်ချခံထားရစဉ် ၂၀၀၆ ခုနှစ် မေလက သံတွဲထောင်တွင်း ကွယ်လွန်သွားခဲ့တာပါ။ ဒီအခမ်းအနားမှာ ရှမ်းခေါင်းဆောင်တွေလည်း တက်ရောက်ဖို့ရှိပြီး ရှေ့နိုင်ငံရေး လုပ်ငန်းစဉ်တွေ ကြေညာဖွယ် ရှိနေပါတယ်။

၈၈ မျိုးဆက်ကျောင်းသားများအဖွဲ့ဟာ အောင်ပန်းမြို့မှာ မေလ ၆ ရက်နေ့ကျင်းပမယ့် စာရေးဆရာကြီး ဒဂုန်တာရာရဲ့ အသက် ၉၃ နှစ်ပြည့် မွေးနေ့ပွဲကို တက်ရောက်ဖို့ရှိပါတယ်။ စာရေးဆရာကြီး ဒဂုန်တာရာရဲ့ မွေးနေ့ဟာ မေလ ၁၀ ရက်နေ့မှာ ကျရောက်ပေမယ့် မွေးနေ့ပွဲကိုတော့ ဒီရက် အနီးနား ပတ်ဝန်းကျင်မှာ ဆရာကြီးကို ချစ်ခင်လေးစားတဲ့ စာပေနဲ့ကဗျာအသိုင်းအဝိုင်းက ပုဂ်ဂိုလ်တွေနဲ့ အခါအားလျော်စွာ ကျင်းပလေ့ရှိပါတယ်။ အကျဉ်းထောင်အသီးသီးကနေ ပြန်လွတ်လာတဲ့ ၈၈ မျိုးဆက် ကျောင်းသားတွေဟာ ပွင့်လင်းလူ့အဖွဲ့အစည်း အမည်နဲ့ မြန်မာနိုင်ငံ အနယ်နယ် အရပ်ရပ်ကို လှည့်လည်ပြီး လူထုနဲ့တွေ့ဆုံဟောပြောပွဲတွေ ပြုလုပ်နေတာပါ။

ခုလို ရှမ်းပြည်နယ်ကို သွားရောက်မယ့် ဒီခရီးစဉ်ကို ဒေသခံ လူထုက စိတ်ဝင်စားနေကြတယ်လို့အောင်ပန်းမြို့က လူငယ်ဖွံ့ဖြိုးရေးစာကြည့်တိုက် တာဝန်ခံ ကိုဘိုဘိုဟန်က ပြောပါတယ်။ “ကျနော်တို့ ပြည်သူလူထုတွေကတော့ အရမ်း စိတ်ဝင်စားနေတယ်။ ပထမ စီစဉ်တုန်းက တောင်ကြီး၊ အောင်ပန်း အဓိက စီစဉ်တာပေါ့။ အဲလိုကနေ ကျနော်တို့ လှုပ်ရှားမှုကို ဆက်စပ်ပြီးတော့ သိသွားကြတဲ့ ဥပမာ အန်အယ်လ်ဒီ လူငယ်ပိုင်းတွေက စိတ်ဝင်စားတော့၊ အဲဒီမှာ ၈၈တုန်းက သိမီခဲ့တဲ့ မြို့ခံအဖွဲ့တွေကလည်း ပေါင်းစပ်ပြီး ဖိတ်ထားတာပေါ့။ အဲဒီလို ဖိတ်ကြားရင်းနဲ့ လူထုကြားထဲမှာ ရှမ်းပြည်ခရီးစဉ်ကတော့ တော်တော်များများ စိတ်ဝင်စားနေတဲ့ အနေအထား ရှိတယ်။ ဒီကို လာတာလည်း တကြောင်း၊ ဆရာကြီးပွဲလည်းရှိတယ်။

အဲဒီမှာ မီဒီယာတွေလည်း တော်တော်များများ ရှိမယ်။ စာရေးဆရာများလည်း တော်တော်များများ ရောက်မယ်။ ဒါကအောင်ပန်းပေါ့။ “တောင်ကြီးမှာကျတော့ နိုင်ငံရေးပါတီတွေ၊ လူမှုရေးအဖွဲ့အစည်းတွေ ဦးမြင့်သန်းရဲ့နေ့မှာပဲ တော်တော်များများ ဆုံပြီးတော့ ကျောင်းသားများနဲ့ ဆွေးနွေးမယ်လို့ သတင်းရတယ်။” ၈၈ မျိုးဆက်ကျောင်းသားများအဖွဲ့ဟာ ဒီကနေ့လည်း သင်္ကြန်ကာလ အတွင်းက သံချပ် လှည့်လှည်ဖြေဖျော်ရာမှာ ရရှိတဲ့ အလှူငွေတွေထဲကနေ နာရေးကူညီမှုအသင်းအတွက် ရန်ပုံငွေ ကျပ် ၁၀ သိန်းနဲ့ မောင်မောင်ဆိုးလေ ထီးရိုးရှည် သံချပ်အဖွဲ့အတွက် ဂုဏ်ပြုငွေ ကျပ် ၁၀ သိန်း ပေးအပ်ခဲ့ပါတယ်။

အမြင့်မြတ်ဆုံး (၈၈) ကောင်းမှုအလှူပွဲ

သင်္ကြန်ဆိုသည်နှင့် သံချပ်ဆိုသည် ခွဲလို့ရသည့်အရာမဟုတ်ချေ။ သင်္ကြန်ချိန်ခါရောက်တိုင်း စိတ်ဝင်တစား အားပေးနားဆင်ခဲ့ရသည့် သင်္ကြန်သံချပ်များ နှစ်ပေါင်းနှစ်ဆယ်ကျော် ပျောက်ကွယ်နေခဲ့ သည့်အတွက် အသက် (၂၀) ဝန်းကျင် လူငယ်များအဖို့ သံချပ်ဆိုတာ ရေရေလည်လည်သိမြင်နိုင်ဖို့မှာ ခဲယဉ်းသည့်အရာပင်ပေသည်။ ယခုနှစ် (၁၃၇၃ ခုနှစ်)သင်္ကြန်တွင်တော့ တစ်ခေတ်တစ်ခါကထင်ရှားသော သံချပ်အဖွဲ့များပါဝင်သလို (၈၈) မျိုးဆက်ကျောင်းသားများအဖွဲ့သည် ဟိုယခင်က နာမည်ရခဲ့သည့် “မောင်မောင်ဆိုလေ ထီးရိုးရှည်အဖွဲ့”နှင့်ပူးပေါင်းကာ သင်္ကြန်ပထမအကြတ်နေ့တွင် နာရေးကူညီမှုအသင်း (ရန်ကုန်)မှ ပွဲဦးထွက်စတင်ဖျော်ဖြေခဲ့ကာ ရန်ကုန်မြို့တွင်းရှိ မြို့နယ်၊ ရပ်ကွက်များသို့ သွားရောက် လှည့်လည်ဖျော်ဖြေမှုများ ပြုလုပ်ခဲ့ကြသည်။
(၈၈) မျိုးဆက်ကျောင်းသားများထိုးသည့် သံချပ်များသည် အကျဉ်းထောင်ထဲ၌ ရေးစပ်ခဲ့သည့် သီချင်းများနှင့်အတူ ပြည်သူလူထုတို့၏ အသံများအား ကိုယ်စားပြုသည့် သံချပ်များရေးဖွဲ့ခဲ့သလို ဂီတစာဆို ဂန္တဝင်မောင်ဝိုင်း၏ သားဖြစ်သူ ဒီဥက္ကာမှလည်း နိုင်ငံအတွင်း အခြေအနေအချို့အား ထည့်သွင်း ရေးစပ်ကာ “မောင်မောင်ဆိုလေ ထီးရိုးရှည်အဖွဲ့”တို့ ပူးပေါင်းကာ ရန်ကုန်မြို့တွင်း လှည့်လည်ဖျော်ဖြေခဲ့ ကြပြီး မထင်မှတ်ဘဲ ဖျော်ဖြေရေးမှ ရရှိခဲ့ကြသည့် အလှူငွေများအား နာရေးကူညီမှုအသင်း (ရန်ကုန်)သို့ ယနေ့ ၂၇.၄.၂၀၁၂ ညနေ (၅း၀၀) နာရီအချိန် ရုံးဆင်းချိန်၌ ဆိုင်းမဆင့် ဘုံမဆင့်ဖြင့် (၈၈) ကျောင်းသား ခေါင်းဆောင် ကိုမင်းကိုနိုင်နှင့်အဖွဲ့တို့ လာရောက်ကာ အလှူငွေများ ပေးအပ်လှူဒါန်းခဲ့ကြသည်။
အခမ်းအနားတွင် (၈၈) ကျောင်းခေါင်းဆောင် ကိုမင်းကိုနိုင်မှ အလှူငွေပေးအပ်ခြင်းနှင့် ပတ်သက် ၍ ရှင်းလင်းပြောကြားခြင်း၊ နာရေးကူညီမှုအသင်း(ရန်ကုန်)သို့ အလှူငွေပေးအပ်ခြင်း၊ “မောင်မောင်ဆို လေ ထီးရိုးရှည်”အဖွဲ့အား ဂုဏ်ပြုဆုငွေချီးမြှင့်ခြင်း၊ ရွှေညဝါကျောင်းတိုက်(မှော်ဘီ)၌ သင်္ကန်းစီး၍ သီတင်းသုံးနေကြသော (၈၈) ကျောင်းသားအဖွဲ့ သံဃာတော်များကပါ နာရေးကူညီမှုအသင်း(ရန်ကုန်) သို့ အလှူငွေ တစ်သိန်းခွဲနှင့် သုခရိပ်မြုံ HIV မိဘမဲ့ကလေးဂေဟာသို့လည်း အလှူငွေ တစ်သိန်းခွဲ အသီးသီး လှူဒါန်းခဲ့ကြသည်။ (၈၈) ကျောင်းသားသံဃာတော်များသည် ပူပြင်းလှသော ရာသီဥတု၏ အောက်ဝယ် ဖိနပ်မပါ ထီးမပါဘဲ ဆွမ်းခံကြွစဉ်က ပြည်သူလူထုမှ လှူဒါန်းမှုပြုကြသော ဝတ္ထုငွေများကို ယခုကဲ့သို့ သာသနာပြုရင်း အလှူဒါနပြုခဲ့ခြင်းဖြစ်သည်။ ထို့အတူ (၈၈) ကျောင်းသားခေါင်းဆောင် ကိုမင်းကိုနိုင် ဦးစီးသော သင်္ကြန်သံချပ်အဖွဲ့သည်လည်း နွေရာသီ၏ ပူပြင်းသောဒဏ်ကို ကြံ့ကြံ့ခကာ ပြည်သူလူထု တို့အား သံချပ်သမိုင်းကို ပြန်လည်ဖော်ထုတ်ရင်းနှင့် ရရှိခဲ့သော အလှူငွေများထဲမှ နာရေးကူညီမှုအသင်း (ရန်ကုန်)သို့ (၁၀) သိန်းကျပ်တိတိနှင့် “မောင်မောင်ဆိုလေ ထီးရိုးရှည်” သံချပ်အဖွဲ့အား (၁၀) သိန်းကျပ် တိတိ ချီးမြှင့်ဂုဏ်ပြု လှူဒါန်းခဲ့သည်။
ထိုထိုသော ပေးဆပ်မှုများ၊ အနစ်နာခံမှုများဖြင့် ရရှိလာသော သန့်စင်မွန်မြတ်လှသည့် ငွေကြေး များကို ယခုကဲ့သို့ လူမျိုးဘာသာ၊ ဆင်းရဲချမ်းသာမရွေးတို့အား (အခမဲ့) ကူညီပံ့ပိုးပေးနေသော ကျွန်တော် တို့ နာရေးကူညီမှုအသင်း(ရန်ကုန်)သို့ လှူဒါန်းခြင်းသည် မြင့်မြတ်လှသော ကောင်းမှုအလှူပွဲတော်ကြီးပင် ဖြစ်တော့သည်။

သတို့ သားလောင်းကိုမာကီး

မစုစုနွေးရဲ့ သတို့သားလောင်း

Saturday, April 28, 2012  zarny win  

~

၈၈ မျိုးဆက် ကျောင်းသားခေါင်းဆောင်များ အိမ်ထောင်ပြုဖို့ လိုအပ်တယ် ဆိုတဲ့ ဒေါ်အောင်ဆန်းစုကြည်ရဲ့ တိုက်တွန်းချက် ထွက်ပေါ်လာပြီး ၄ လ အကြာမှာ သူတို့ထဲကတယောက် ဒီအစီအစဉ်ကို ပထမဆုံး အကောင်အထည်ဖော်နေပါပြီ။

သတို့သမီးက ထင်ရှားတဲ့ လူအခွင့်အရေး လှုပ်ရှားသူ မစုစုနွေး ဖြစ်ပါတယ်။ ရှေ့လကုန်ပိုင်း လက်ထပ်ကြမယ် ဆိုပြီး အွန်လိုင်းမှာ ဒီသတင်းကောင်း ဖတ်ကြရပြီး ဖြစ်မှာပါ။ သတို့သားနာမည်ကိုတော့ ဖော်ပြခြင်း မရှိကြပါ။

ပြီးခဲ့တဲ့လက ပြည်မြို့မှာ လယ်သမားအရေး ဆောင်ရွက်နေကြတဲ့ ကိုမာကီး၊ မစုစုနွေး၊ ရှေ့နေကြီး ဦးအောင်သိန်း (ဓာတ်ပုံ - ဘားမားဗီဂျေ)

သတို့သားက ၈၈ မျိုးဆက် ခေါင်းဆောင် တဦးဖြစ်တဲ့ ကိုကျော်ကျော်ထွေး (ခ) ကိုမာကီး ဖြစ်ပါတယ်။

ကိုမာကီးက မြိတ်မြို့အကျဉ်းထောင်က ဇန်န၀ါရီလမှာ ပြန်လွတ်လာသူပါ။ သူ့ကို ရန်ကုန်လေဆိပ် သွားရောက် ကြိုဆိုသူများထဲမှာ မစုစုနွေးလည်း ပါဝင်ပါတယ်။

(ဓာတ်ပုံ - http://ppdict.blogspot.com/2012/01/blog-post_2413.html)

သူတို့ ၂ ဦးရဲ့ ဇာတ်လမ်းက မင်္ဂလာဒုံလေဆိပ်မှာ အစပြုတယ်လို့ ဆိုနိုင်မယ် ထင်ပါတယ်။
source: irrwaddy